Алматыда тағы да қатты жер сілкінісі болды (ВИДЕО)

Алматыда бүгін  сағат 11:22-де жер сілкінісінің 5 балдық күші сезілген. Зілзала ошағы қаладан 31 км қашықтықта Қазақстан аумағында орналасқан, деп жазады sadaqmedia.kz ақпарат порталы.

Құлақтандыру жүйесі іске қосылған.  ТЖМ бұл жолғысына “қатты жер сілкінісі” деп баға берді. 
 
– 4 наурыз сағат 11.22-де Алматы қаласында жер сілкінісі тіркелді. ҚР ТЖМ сейсмологиялық бақылау және зерттеу ұлттық ғылыми орталығының сейсмикалық станцияларының желісі өңделіп жатыр. Эпицентрі, қанша бал болғаны туралы ақпарат нақтыланады, – деп хабарлады ТЖМ.

Жер сілкінісінің энергетикалық класы: 13.2.
MPV магнитудасы: 6.1.
Эпицентрдің координаттары: 42.93° с.е. 76.96° ш.б.
Тереңдігі: 10 км.

 Алматы қаласының ТЖД бастығы Нұрлан Атығаев халықты дүрбелеңге салынбауға шақырды.