Ақтөбеде жаппай төбелес болды
Қонақтардың арасында жанжал туып, бір-бірімен төбелескен.
![Ақтөбеде жаппай төбелес болды](https://sadaqmedia.kz/uploads/images/202407/image_870x_668d005633593.jpg)
Ақтөбе қаласындағы дәмханалардың бірінің алдында бірнеше адам төбелесіп қалды. Үш адам кесіп-тесілген, тағы бір адам жабық бас жарақатымен ауруханаға түсті.
Кеше түнде Ақтөбе қаласындағы Зауыт көшесінде орналасқан дәмхана алдында бірнеше адам төблесіп қалды. Оқиға орнына полициямен қатар жедел жәрдем бригадасы да шақырылды.
— Қонақтардың арасында жанжал туып, бір-бірімен төбелескен. Нәтижесінде бірнеше ер адам түрлі дене жарақатымен ауруханаға жеткізілді. Бұзақылық дерегімен сотқа дейінгі тергеп- тексеру жұмыстары басталды. Қылмысқа қатысы бар тұлғалар анықталып, полиция бөліміне жеткізілді. Қазіргі таңда оқиғаның мән-жайын анықтауға бағытталған тергеу іс-шаралары жүргізіліп жатыр, — деді Ақтөбе қалалық ПБ бастығының бірінші орынбасары Мадияр Әкентай.
Полиция қазіргі кезде нақты қанша адамның қамауға алынып, күдікке ілінгенін айтпады.
Ал облыстық денсаулық сақтау басқармасының хабарлауынша, төбелес кезінде барлығы 5 адам зардап шеккен.
— 31, 30, 29 жастағы ер адамдарда кесіп, тесілген жарақаттары болды. Олардың бірін Ақтөбе медцина орталығына, екіншісін Ақтөбе көпсалалы ауруханасына жеткізді. 28 жастағы бір адам жабық бас-ми жарақатын алған. Сонымен бірге 39 жастағы адам дәрігер көмегінен бас тартты. Оқиға орнына барлығы 2 бригада барды, — деп хабарлады Ақтөбе облыстық денсаулық сақтау басқармасының баспасөз қызметі.
Сіздің реакцияңыз қандай?
![like](https://sadaqmedia.kz/assets/img/reactions/like.png)
![dislike](https://sadaqmedia.kz/assets/img/reactions/dislike.png)
![love](https://sadaqmedia.kz/assets/img/reactions/love.png)
![funny](https://sadaqmedia.kz/assets/img/reactions/funny.png)
![angry](https://sadaqmedia.kz/assets/img/reactions/angry.png)
![sad](https://sadaqmedia.kz/assets/img/reactions/sad.png)
![wow](https://sadaqmedia.kz/assets/img/reactions/wow.png)