«Әкімдерің вертолетпен жүре ме?»: белгілі әнші Ақтөбенің жолдарын көріп, құлазып қайтқан
![«Әкімдерің вертолетпен жүре ме?»: белгілі әнші Ақтөбенің жолдарын көріп, құлазып қайтқан](https://sadaqmedia.kz/uploads/images/202405/image_870x_665857fe85487.jpg)
Қазақстанның еңбек сіңірген мәдениет қайраткері Жеңіс Ысқақова Ақтөбе қаласына сапарлап барып, құлазып қайтқан. Айтуынша, қаланың шұрқ-тесік жолдары мазасын алған. Еш жүру мүмкін емес.
“Құрметті, ақтөбелік достар! Қонақжайлық пен сыйластықтарыңа рақмет! Көңілімді түсірген бір-ақ нәрсе, көшедегі жолдардың шұрық-тесігін көріп көңілім құлазып тұр. Әлемге әйгілі Ақтөбенің жолдары мұндай деп ешкім ойламаған?! Әкімдерің вертолетпен жүре ме?! Қалай ұялмайсыздар?! Қаланың ішіндегі жолдары осындай тесік болса, сырт жақтағы ауыл-аудандардың жағдайын айтпай-ақ қойған дұрыс шығар?! Ақтөбе қаласының әкімшілігі, екі күн бұрын Қызылордада болдым. Экологиялық жағдайы төмен облыстың көшелері тап-таза, жолдары тақтайдай тегіс. Сол жақтан барып, қаланы қалай әдемі етудің жолдарын үйреніп, шеберлік сағатына қатысып келіңіздер! Менің намысым келіп тұр”, – деп күйінді өнер иесі.
Желі қолданушылары түрлі пікір білдіріп, әншінің сөзіне қолдау білдірген.
“Дұрыс айтасыз”, “Жергілікті халық айтып, қартайды”, “Ерінбегеннің бәрі айтып жатыр”, “Ақтөбе азып-тозды, кір-кожалақ қалаға айналды”, “Батыстың бәрі сондай-ау”, – деп жазған оқырмандары.
Посмотреть эту публикацию в Instagram
Сіздің реакцияңыз қандай?
![like](https://sadaqmedia.kz/assets/img/reactions/like.png)
![dislike](https://sadaqmedia.kz/assets/img/reactions/dislike.png)
![love](https://sadaqmedia.kz/assets/img/reactions/love.png)
![funny](https://sadaqmedia.kz/assets/img/reactions/funny.png)
![angry](https://sadaqmedia.kz/assets/img/reactions/angry.png)
![sad](https://sadaqmedia.kz/assets/img/reactions/sad.png)
![wow](https://sadaqmedia.kz/assets/img/reactions/wow.png)