Ақтауда ер адамның үстіне лифт құлап қаза тапты

Ақтаудағы дүкендердің бірінде жұмысшының үстіне лифт құлап, ер адам оқиға орнында қаза тапты, деп хабарлайды sadaqmedia.kz аймақтық Lada.kz сайтына сілтеме жасай отырып.

Дүкендегі бейнебақылау камерасы қайғылы жағдайды түсіріп алған. Екі ер адам лифт ішіндегі азық-түлікті шығарып жатқанда, үстеріне лифт құлап кеткен. Жұмысшылардың бірі лифтінің сыртына құласа, екіншісі шахта ішінде қалған. 

Ақтау полициясының хабарлауынша, қайғылы жағдай бүгін, 24 қазан күні түнгі сағат 01:10-да тіркелген. Қаза болған ер адам 34 жаста екені анықталды.