Қарбызға нан қосып жеу зиян ба? – ғалым пікірі

Ресейдің мемлекеттік білім университеті жаратылыстану ғылымдары факультетінің деканы Ирина Лялинаның айтуынша, қазір қарбыз бен нанды біріктірудің зиянды екені ғылыми дәлелденбеген, алайда оларды бірге қолданғандағы денсаулыққа зиян факторлары бар.

Бірінші қауіп ас қорыту проблемаларына әкеледі. Ғалымның айтуынша, қарбызда көп мөлшерде су мен талшық бар, бұл заттар нан құрамындағы көмірсулармен араласқанда ісіну мен газды тудыруы мүмкін.

Тағы бір мәселе қарбыздағы қант пен нандағы күрделі көмірсулардың қосындысынан туындайды.

— Бұл қант диабеті, гипертония немесе атеросклерозбен ауыратын адамдар үшін қауіпті қандағы қант деңгейінің тез өсуіне әкелуі мүмкін. Мұндай аурулармен ауыратын кісілерге бір-екі дана ғана қарбыз жеуге болады, – деді Ирина Лялина.

Дегенмен ол сау адамдардың көпшілігі үшін нан мен қарбызды бірге тұтынудың күрделі мәселелерге әкелмейтінін атап өтті.