Қазақстандық офтальмолог Қытайдағы ең жоғары марапатқа ие

Қазақстандық офтальмолог Қытайдағы ең жоғары марапатқа ие болды Қазақстандық офтальмолог Сәулебек Қабылбеков Қытайдағы шетелдік мамандар үшін ең жоғары марапатқа – Достық сыйлығына ие болды. Қытай үкіметінің марапаттау рәсімі жексенбіде Бейжіңдегі Халық жиналысы үйінде өтті.

Сәулебек Қабылбеков 1959 жылы Жамбыл облысы Сарысу ауданы Саудакент (бұрынғы атауы Байқадам) ауылында дүниеге келген.

Мектептен кейін Алматыдағы Қазақ ұлттық медицина университетіне түсіп, бір жарым жыл оқыды. Содан кейін Мәскеудегі Халықтар достығы университетінің медицина факультетінде оқуын жалғастырды, оны 1989 жылы бітірді, ал 1991 жылы резидентураны бітіргеннен кейін Алматыдағы Офтальмология институтында жұмыс істейді.

1998 жылдан бастап Дацин офтальмологиялық клиникасында (Хэйлунцзян өлкесі, ҚХР) шетелдік офтальмолог-сарапшы ретінде жұмыс істейді. Қазақстандық дәрігер Хэйлунцзян өлкесінің Дацин қаласының офтальмологиялық клиникасында 25 жылдың ішінде 200 мыңға жуық пациентті қабылдап, ұзын-саны 30 мыңға жуық ота жасаған маман.

1991 жылдан бері беріліп келе жатқан Достық сыйлығы Қытайдың модернизациялау процесіне үлес қосқан шетелдік мамандар үшін ең жоғары марапат болып есептеледі. Осы уақытқа дейін бұл сыйлыққа 1800-ден астам шетелдік маман ие болған.