Петропавлда әйелін ұрып, үйін жарып жіберген зейнеткер қайтыс болды
![Петропавлда әйелін ұрып, үйін жарып жіберген зейнеткер қайтыс болды](https://sadaqmedia.kz/uploads/images/202405/image_870x_66547ee75fef5.jpg)
Петропавлда әйелін ұрып, үйін жарып жіберген зейнеткер қайтыс болды, деп хабарлайды sadaqmedia.kz ақпарат порталы.
СҚО денсаулық сақтау басқармасының өкілдерінің мәліметінше, зейнеткер 26 мамырға қараған түні қайтыс болған.
Қарияның денесінің 60 пайызын күйік шалған. Дәрігерлердің сөзінше, мұндай жағдайларда тері некрозы (дене тіндерінің бұзылуы) болады.
Еске салайық, Петропавлда әйелімен жанжалдасқан қария өзін өлтірмек болып газ баллонын жарып жіберген болатын. Көршілері оқиғаның қалай болғанын айтып берді. Олардың айтуынша, зейнеткер бақшасына картопты кімнің отырғызғанын ұмытып қалып шу шығарған көрінеді.
Жанжал қала шетіндегі жер үйде болған. Көршілері екі рет гүрс еткен жарылысты естіген. Осы сәтте баспананың күлі көкке ұшып, өрт тұтанған. Жанұшырып жүгірген қарияның әйелі көршілерден көмек сұрапты. Әжейді 94 жастағы зейнеткер әбден сабап тастаған екен. Денесінде сау тамтығы жоқ ол қарияның газ баллонын жарғалы жатқанын айтқан. Көршілері полиция мен өрт сөндіру қызметіне хабар берген. Олар келгенше, үй түгел жанып кетті.
Ал газ баллонын жарған үй иесі басын аман алып шығып, қораға тығылып үлгеріпті. Оны құтқарушылар жедел жәрдемге тапсырған. Зейнеткер сол сәтте есін білгенімен, ауруханаға келген соң жағдайы нашарлап, жансақтау бөліміне жатқызылған еді.
Сіздің реакцияңыз қандай?
![like](https://sadaqmedia.kz/assets/img/reactions/like.png)
![dislike](https://sadaqmedia.kz/assets/img/reactions/dislike.png)
![love](https://sadaqmedia.kz/assets/img/reactions/love.png)
![funny](https://sadaqmedia.kz/assets/img/reactions/funny.png)
![angry](https://sadaqmedia.kz/assets/img/reactions/angry.png)
![sad](https://sadaqmedia.kz/assets/img/reactions/sad.png)
![wow](https://sadaqmedia.kz/assets/img/reactions/wow.png)