Әуекомпаниялар Израильге бағытталған рейстерді тоқтата бастады

United, Delta мен British Airways Израильге рейстердің тоқтатылғаны туралы мәлім етті. Бұл туралы The Times of Israel газеті хабарлайды, деп жазады inbusiness.kz сайты.

"Ең ірі америкалық пен британдық авиакомпаниялар жолаушыларға ХАМАС, Хезболла мен Иранмен шиеленістің күшеюі аясында Израильге рейстердің тоқтатылғаны туралы хабарлады", - делінген хабарламада.

Әуе қатынасының тоқтатылуына байланысты АҚШ-та ондаған мың израильдіктер қалды. Delta мен British Airways 2 тамызда, ал United 6 тамызда рейстерді тоқтатады.

United Airlines сонымен қатар "Известияға" авиакомпания Тель-Авивке тұрақты рейстерді тоқтататынын хабарлады. Олар мұндай шараларды "қауіпсіздік мақсатында" қабылдауға мәжбүр болғанын жеткізді.

United Airlines компаниясы жағдайды мұқият қадағалауды жалғастыратынын және қызмет көрсетуді қайта бастау туралы шешім қабылдайтынын айтты.