«Әрдайым Төлеген жоқта Бекежан пайда болады»: Қос актердің кездесуі қызу талқыланды

Әлеуметтік желіде әйгілі ғасыр киносы «Қыз Жібек» фильмінде басты рөлдерді ойнаған Меруерт Өтекешова мен Асанәлі Әшімовтың кездесуінен видео тарады, деп хабарлайды Qaz365.kz.

Онда Меруерт Өтекешова мен Асанәлі Әшімовтың құшақтасып тұрғанын көруге болады. 

«Тарихи сәт. Қыз Жібек пен Бекежан кездесті. Кинодан екеуміз ғана қалдық деп тұр. Қандай керемет сәт», – деді видео авторы. 

Ал желі қолданушылары Қыз Жібек пен Бекежанға тәнті болып, өз ойларын жазған. Айтыскер ақын Балғынбек Имашев «Как всегда Төлеген жоқта Бекежан появляется!» деп әзілдеген.

«Аңыз адамдар ғой. Аман болыңыздар! Сұлулықтың ,адами қасиеттің символдары», «Қандай керемет сәт»,  «Қандай керемет жандар», «Керемет көрініс», «Денсаулықтарыңыз мықты болсын. Осы кіселердің киноларын көріп өстік», «Шынымен кинодан екеуі ғана қалды», – деген пікірлер бар. 

Айта кетейік, Төлегеннің рөлін сомдаған Құман Тастанбеков 2017 жылы Ақтау қаласында дүниеден өткен.