«Олимпиадаға 660 миллион доллар жұмсалды деген ақпарат шындыққа жанаспайды» - Ербол Мырзабосынов

Париж Олимпиадасы аяқталғалы бе­рі спорттың басы-қасында жүр­ген білікті са­рап­шылар мен бап­кер­лер, спорт жур­на­листері, тіпті кірпік қақ­пай тамашалаған жанкүйерлер де келесі ци­клде көрсеткішті бұрын­ғыдан жақсарту қа­жет екенін жарыса жазып жүр. Осы орайда көпшіліктің көкейінде жүр­ген сұрақтарды Спорт және дене шы­­нық­тыру істері комитетінің төрағасы Ербол Мыр­­забосынов жауап берді, деп хабарлайды sadaqmedia.kz ақпарат порталы.

Министрлік өкілдері төрткүл дүние көз тігетін сайысқа спортшыларды бап­тауға 980 миллион теңге бөлінгенін мә­лімдеген. Сондай-ақ әлеу­мет­тік желілерде ел спортына бөлінген қа­ражаттың Өзбекстанмен салыстыр­ған­да тым көп бөлінгені жайлы айты­лып жүр. Ербол Мырзабосынов бұл деректің қайдан шыққанын түсіндірді. 

"980 миллион теңге – Олимпиадаға қатысатын спортшылардың дайындық жұмыстарына бөлінген қаражат. Оның ішіне оқу-жаттығу жиындары, ли­цен­зия­лық турнирлер мен халықаралық жа­рыс­тарға қатысуы қамтылған. Дәрі-дәрмектері, жат­тығуға арналған құрал-жабдықтары та­ғы бар.

Әлеуметтік желіде Өзбекстанның Олим­пиадаға жұмсаған қаржысы деп көрсетілген 160 миллион доллар – не­гізінен олардың республикалық бюджеттен спорт­қа бөлген сомасы. Ал 2023 жылы Қа­зақстанның республикалық бюджеттен спортқа бөлген қаржысы – 61,3 миллиард тең­ге. Бұл – шамамен 128 миллион АҚШ долларына тең. Сондықтан осы ретте әлеуметтік желілерде «660 миллион доллар» деп көрсетілген цифр шындыққа жанас­пай­тынын және бұл қоғамды шатастыратынын айта кетейін. Аталған сома спортшылардың бар­лық қажеттілігін, оның ішінде олим­пи­а­далық және олимпиадалық емес спорт түр­лері мен ұлттық спортқа бөлінген", - деп атап өтті ол БАҚ құралдарының біріне берген сұқбатында.