Қызылордада көпқабатты үйден жылан шықты (ВИДЕО)

Қызылордада пәтерден жылан шықты, деп хабарлайды Sadaqmedia.kz ақпарат порталы.

"Бүгін түсте «112 – құтқару қызметіне» Қызылорда қаласындағы Қорқыт ата көшесіндегі тұрғын үйдің пәтерінде жылан жүргені туралы хабарлама түскен.

Оған сәйкес құтқарушылар арнайы құралдармен пәтердің кіре беріс бөлмесіндегі жиһаздың ішінен ұзындығы 1 метрдей болатын су жыланды шығарып, арнайы банкаға салды. Пәтер тұрғыны Салтанат Оразалиева құтқарушыларға алғысын білдірді", - делінген қалалық Төтенше жағдай департаменті таратқан ақпаратта.