Илон Маск Иранның БҰҰ жанындағы Тұрақты өкілімен құпия жерде кездесті

Tesla және SpaceX компанияларының негізін қалаушы Илон Маск Иранның БҰҰ жанындағы Тұрақты өкілі Амир Саид Ираванимен кездесті. Олар Тегеран мен Вашингтон арасындағы шиеленісті жеңілдету жолдарын талқылады, деп жазады Sadaqmedia.kz ақпарат порталы.

The New York Times басылымының жазуынша, кездесу 11 қарашада Нью-Йоркте өткен. Келіссөздер бір сағаттан астам уақытқа созылған және құпия жерде болған. The New York Times дереккөздері кездесу оң нәтиже берді деп бағалады.

Басылым сұхбаттасушыларының бірі Маскпен кездесу Тегеранға американдық шенеуніктермен тікелей келіссөздер жүргізбеу үшін уақытша шешімді қолдануға мүмкіндік бергенін атап өтті. Сондай-ақ, әңгіме барысында Иравани Маскке америкалық Қаржы министрлігінен рұқсат алу арқылы бизнестің бір бөлігін Иранға көшіруді ұсынды.

Осы ретте АҚШ-тың жаңадан сайланған президенті Дональд Трамп Илон Маскті бірер күн бұрын Үкіметтің жаңа тиімділік департаментінің басшысы етіп тағайындағанын айта кету керек. Трамптың өкілі кездесудің жеке болғанын айтып, түсініктеме беруден бас тартты. Маск пен Иранның БҰҰ-дағы миссиясы да түсініктеме бермеді.

Президенттік түскелі Трамп енгізген жаңа бастамалар:

• Мемлекет жынысын ауыстыру операцияларын қаржыландыруды тоқтатады.
• Балалардың жынысын ауыстыру операциясына тыйым салады. 
• Үкімет тек екі жынысты таниды: «ер» және «әйел».
• Ата-аналарға балалардың жынысын ауыстыру операциясын жасаған «дәрігерлерді» сотқа беруге мүмкіндік береді.

Айта кету керек, Трамптың Бірінші Президенттік кезеңінде АҚШ пен Иранның қарым-қатынасы нашарлап кеткен болатын. Вашингтон ядролық келісімнен шықты. Трамптың бұйрығымен Иракта Иран Ислам революциясы Сақшылар корпусының генералы Касем Сүлеймани өлтірілді. АҚШ Әділет министрлігі қараша айының басында, сайлаудан кейін көп ұзамай күзет корпусы Трампты өлтіруге дайындалып жатқанын айтты.